Анна Денисовна 90 яшен бәйрәм итте

"Сарман: иң яңа хәбәрләр", 5 декабрь 2021 - 11:58

1082

Бүген Ләке авылында гомер кичерүче Ильина Анна Денисовнага 90 яшь тулды. Олуг юбилее белән ветеранны район Советы аппараты җитәкчесе Юлия Исмәгыйлова тәбрикләде. Изге теләкләрен җиткереп, ул Анна апага Рәсәй Президенты Владимир Путинның Котлау открыткасын, район башлыгы Фәрит Хөснуллин исеменнән истәлек бүләкләре, чәчәк бәйләме тапшырды. Район социаль яклау бүлеге начальнигы Лилия Гыйльметдинова, "Шәфкать" үзәге директоры Гөлнара Хуҗина, Ләке авыл җирлеге башлыгы Лилия Шәрипова, авыл ветераннар советы рәисе Ольга Асанова, балалары, килене, кияве, оныклары да юбилярга сихәт гомер, кадер-хөрмәт, озак яшәвен теләделәр.
- Балалар янәшәсендә, туганнар белән аралашып, дус-тату яшәү - олы бәхет, барыбыз да сәламәт булыйк, - диде Анна апа һәм ил-көннәргә тынычлык теләде.