Бүген без Шоколад көнен бәйрәм итәбез +ВИДЕО

Эш көнен җырлап, шигырьләр сөйләп башладык һәм һөнәрен күрсәткән һәркем бүләккә тәмле күчтәнәч алды.
“Аллалар ризыгы” көнен беренче булып французлар 1995 елда билгеләп үтә башлыйлар. Фәнни тикшеренүләргә караганда, шоколадта организмны ял иттерү һәм психологик тынычландыру үзлегенә ия элементлар бар икән. Караңгы төстәге (темный) сортлары бәхет гормоннары бүлеп чыгара, кәефләрне күтәрә, организмның эшчәнлеген арттыралар. Бу татлы ризык картаюны кичектереп торырга сәләтле, дигән фикер дә бар.
Хөрмәтле дуслар! Бүген, редакциягә килеп, “Сарман”, “Новый Сарман” газеталарына язылган һәркем бүләккә шоколад алачак. Килегез, көтәбез! Яхшы кәеф, озын гомер, бәхетле мизгелләр гарантияләнә!