Районда янгынга каршы өйрәнүләр оештырылды

"Сарман: иң яңа хәбәрләр", 14 апрель 2022 - 11:51

1036

Янгын куркынычы периоды башлану сәбәпле, республикада 25 апрельдән 15 майга кадәр махсус янгынга каршы режим игълан ителде. Шул уңайдан районда команда-штаб өйрәнүләре үткәрелде.

Аларның теоретик өлеше 12 апрельдә ук башланып китте. Бүген исә өйрәнүләрнең торак пункт янында урнашкан урман массивында чыккан янгынны сүндерүгә багышлан этабы уздырылды. Барлык чаралар да Сарман муниципаль районы гражданнар сагы идарәсенең бердәм дежур-диспетчер хезмәте тарафыннан оештырылды.
Күнегүләрдә район Башкарма комитеты вәкилләре, барлык тормыш тәэмин итү хезмәтләре катнашты. Өйрәнүләр кысаларында ташуга каршы көрәш турында да аңлаттылар.