Районда урып-җыю эшләренең яртысыннан күбесе башкарылган

Районда урып-җыю эшләре 34 036 гектар мәйданда башкарылып, гомуми күләмнең 66 процентын тәшкил итә. Барысы 68100 тонна икмәк җыелган. Уңыш уртача бер гектардан 20 центнер чыга. Бүгенге көндә көзге бодай суктыру төгәлләнеп, 22 центнер уңыш алынды. Көзге арыштан – 23 центнер, борчактан 12,2 центнер тәшкил итте. Арпа суктыру шулай ук төгәлләнеп килә, уртача уңышы – 19 центнер. Хәзерге көндә язгы бодай суктыру бара, ул барысы 17 мең гектарда игелеп, бүгенге көндә 4021 гектары җыеп алынды, уртача уңыш хәзергә бер гектардан 15 центнер тәшкил итә. Район буенча 2315 тонна печән, 8177 тонна сенаж салынган. Алга таба күпьеллык үлән җирләренең икенче катын чабу һәм кукурузны силоска салу бурычы тора.