Татарстанда 6 июньдә яңгыр, яшен һәм томан көтелә
Шимбә көнне республикада аязучан болытлылык көтелә. Гидрометеоүзәк хәбәр иткәнчә, көндез кыска вакытлы явым-төшемнәр һәм яшен булырга мөмкин. Төнлә һәм иртән кайбер районнарда томан төшәчәк, дип яза «Татар-информ» МА.
Төньяк һәм төньяк-көнбатыш җилнең тизлеге – секундына 5-10 , яшен вакытында исә 15 метрга кадәр көчәячәк.
Республикада һава температурасы төнлә +7..+12 градус булса, көндез +17..+22 градуска кадәр җылыначак.
Казанда да кыска вакытлы яңгыр һәм яшен явуы ихтимал. Җил төньяк һәм төньяк-көнбатыштан – секундыга 5-10 метр. Казандагы максималь температура көндез +19..+21 градус тәшкил итәчәк.
Район территориясендә дә шундый ук һава торышы булачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев