Татарстанда 28 июльдә көчле җил, яшен һәм боз явуы ихтимал
Иртәгә, 28 июльдә, республика территориясендә үзгәрүчән болытлылык, кыска вакытлы явым-төшемнәр фаразлана. Төнге сәгатьләрдә урыны белән яшенле яңгыр һәм боз явуы ихтимал, дип кисәтә ТР Гидрометеорология хезмәте. Бу хакта «Татар-информ» МА яза.
Җилнең юнәлеше көньяк-көнчыгыштан төньяк-көнбатышка үзгәрә, тизлеге – секундына 6-11 метр. Яңгыр вакытында урыны белән һава агымнары 18-23 метрга кадәр көчәячәк. Төнлә һава – +16..+21 градус, көнчыгыш өлештә +24 градус кадәр җылы булачак. Көндез температура +23..+28 градуска күтәрелә, ә республиканың көнчышында +31 градуска кадәр җитәргә мөмкин.
Казан шәһәрендә дә шундый ук күренеш: алмашынучан болытлылык, кыска вакытлы яңгыр, урыны белән яшен һәм боз. Җил тизлеге – секундына 6-11 метр, көчәйгәндә 18-23 метрга кадәр җитә. Көндез башкалада термометрлар +25..+27 градусны күрсәтәчәк.
Район территориясендә дә шундый ук һава торышы саклана.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев