Танылган марафончы чираттагы чакрымнарын узды

"Сарман: иң яңа хәбәрләр", 9 апрель 2022 - 09:41

1645

Агымдагы елның апрель башында Адлер шәһәрендә "Сочи-Автодром" марафоны үткәрелде. Анда өч меңнән артык йөгерешче катнаша. Райондашыбыз Фәнис Фәретдинов та 10 чакрым араны 42 минут 23 секунд нәтиҗә белән 50-59 яшьлекләр арасында бишенче булып уза. Һәрвакыттагыча, район данын лаеклы яклый ул, финиш сызыгын Сарман флагы белән үтә.