“Зирәкләр һәм тапкырлар” клубының февраль ае җиңүчесе билгеле

Шуларның җавапларын туплап барган очракта, аларны кулланып, бер мәкаль төзергә мөмкин. Февраль саннарында бастырылган табышмаклар нигезендә барлыкка килгән “Агач күрке – яфрак, адәм күрке - күлмәк” дигән мәкальне беренче булып хәбәр иткән Сарман авылында яшәүче Гөлфая Галимуллина булды.
- 17 яшемнән, лаеклы ялга чыкканчы, төзелеш-монтаж оешмасында эшләдем. Гомер буе район газетасыннан аерылмадык, хәзер дә “Сарман”ны бик яратып укыйбыз. Бигрәк тә район кешеләре, аларның язмышы, тормышы турындагы язмалар ошый. Менә бәйге уйлап тапкансыз әле, аны зур кызыксыну белән күзәтеп барам. Хәтта кибеттән мәкальләр китабы сатып алдым, - диде, бәйгедә катнашып, бүләккә китаплы булган Гөлфая апа.