Сарманда "Бердәм Россия" партиясенең XVIII конференциясе үтте

Бүген "Сарман" кинотеатрында "Бердәм Россия" сәяси партиясе җирле бүлекчәсенең XVIII конференциясе (икенче этабы) узды. Аның эшендә Татарстан Республикасы Дәүләт Советы депутаты Наил Магановның ярдәмчесе Рөстәм Гарипов катнашты. Җирле Политсовет җитәкчесе урынбасары Гүзәл Гәрәева партиянең җирле бүлекчәсенең Татарстан Республикасы Дәүләт Советы депутатларын сайлау кампаниясендә катнашуы, аңа әзерлек чорында халык белән очрашулар вакытында тупланган тәкъдимнәр, сорауларның чишелеш стадиясе турында сөйләде. Икенче көн тәртибе буенча җирле Политсовет составына үзгәрешләр кертү - советның яңа членнарын сайлаулар булды. Конференция ахырында сайлау кампаниясендә актив катнашканнар бүләкләнде, партия сафларына яңа иптәшләр кабул ителде.