Ләке авыл җирлегенә яңа башлык билгеләнде

Ләке авыл җирлеге башлыгы итеп Шәрипова Лилия Ивановна сайланды. Ул 1981 елның 29 июлендә Дружба авылында туган. 2006 елда Татар дәүләт гуманитар-педагогик, 2014 елда Социаль һәм гуманитар белемнәр институтын тәмамлый, 2015 елда Казан (Идел буе) федераль университетының Югары дәүләт һәм муниципаль идарә мәктәбендә квалификациясен күтәрә. Хезмәт юлын Чаллы шәһәре балалар бакчасында тәрбияче буларак башлый. Республика мәгариф тармагында мәгълүмати-методик тәэмин итү һәм контроль үзәгенең район филиалында секретарь, "Бердәм Россия" Бөтенроссия сәяси партиясенең җирле бүлекчәсе башкарма комитетында белгеч һәм җитәкче, "Сарман мәгълүмат-мөхәррият үзәге"ндә реклама буенча белгеч, офис-менеджер, Сарман авыл җирлеге Советында әйдәүче белгеч булып хезмәт куя. Тормыш иптәше Рәсим белән бер ул, бер кыз үстерә.