«Иң яхшы авыл мәктәбе – 2019» исеменә районыбызның кайсы мәктәбе лаек булды

"Сарман: иң яңа хәбәрләр", 31 октябрь 2019 - 09:30

1612

2019 елның 25-28 октябрендә Санкт-Петербург шәһәрендә «Киләчәк мәктәбе. Россиядә хәзерге заман мәгарифен үстерү проблемалары һәм перспективалары» темасына VIII Бөтенроссия Белем бирү форумы узды.

Форум кысаларында «Россиянең 100 иң яхшы мәктәбе» конкурсы лауреатларын бүләкләү тантанасы узды. Бәйсез Иҗтимагый совет, конкурсны оештыру комитеты Татарстан Республикасы Сарман муниципаль районы Иске Кәшер урта гомуми белем бирү мәктәбен «Иң яхшы авыл мәктәбе – 2019» номинациясендә конкурс лауреатларының берсе дип таныды. Белем бирү оешмасы җитәкчесенә «Ел директоры - 2019» мактау билгесе тапшырылды.