Татарстандагы каты суыклар электр энергиясен куллануның яңа тарихи пигына китерде.
24 декабрьдә рекордлы күрсәткеч — 5445 МВт теркәлде. Бу тугыз көн элеккеге күрсәткечтән 134 МВт-ка күбрәк.
Бу мәгълүматны Татарстанның Региональ диспетчерлык идарәсе (РДУ) директоры Андрей Большаков раслады, дип яза «Татар-информ» МА. Ул аңлатканча, «куллану максимумы» — ул барлык электр кабул итүче җайланмаларның (өйдәге лампочкалардан алып заводлардагы куәтле җиһазларга кадәр) гомуми йөкләнеше.
Эксперт билгеләп үткәнчә, рекордлар куелуда суыклар төп роль уйнаса да (тәүлеклек уртача температура -23,3°C тәшкил иткән), үсешнең төп драйверы — республика сәнәгатенең алга китеше.
Фото: ясалма фәһем
Нет комментариев