Районда сайлау нәтиҗәләре билгеле

Әлеге сәяси вакыйгада район халкы бик зур активлык күрсәтте һәм үз тавышын бирде. 27003 сайлаучының 90,77 проценты сайлауларга килгән. Территориаль сайлау комиссиясе биргән мәгълүматларга караганда, сайлаучыларның 82,99 проценты “Бердәм Россия” партиясен яклап тавыш биргән. Россия пенсионерлары партиясе – 1,1%, КПРФ – 9,65%, Россия коммунистлары Коммунистик партиясе – 1,09%, “Гадел Россия” – 1,36%, “ПАРТИЯ РОСТА” – 1,33%, ЛДПР 2,03% тавыш җыйган. Район территориясендә 29 нчы санлы бермандатлы сайлау округы буенча тәкъдим ителгән кандидатлар арасында сайлаучылар күпчелек тавышларын Рөстәм Халимов кандидатурасын хуплап биргәннәр. Ул 85,3% сайлаучының яклавын тапкан.