Ләшәү Тамак авылы турында яңа җыр иҗат ителде

Аны автор башкаруында сезгә дә тәкъдим итәбез, хөрмәтле дуслар.
“Ләшәү Тамак авылы җыры”
1. Туган авылым - тау битендә -
Ераклардан күренә.
Җәй аенда су буйлары
Яшеллеккә күмелә.
Куш:
Ләшәү Тамак - туган авылым,
Йөрәгемнең түрендә.
Балачак, яшьлек елларын
Искә алам бүген дә.
2. Елга яры - әрәмәлек,
Наратлы тау итәге.
Сабантуйда кунак булып,
Бер ял итеп кит әле.
3. Җамали чишмәсе ага
Яр буенда тын гына.
Авылымны сагынып кайтам,
Күңелемдә моң гына.
4. Талында җырлый сандугач,
Шифалы һавалары.
Авылга ашкына күңел,
Без - авыл балалары.