Хезмәт министры Россиядә хезмәт хакы моңарчы күрелмәгән күләмдә артты дип саный

Россия Хезмәт министрлыгы башлыгы Максим Топилин агымдагы елда ил халкының хезмәт хакы 10 проценттан да күбрәк артканын әйтте. Бу турыда "Интерфакс" агентлыгы хәбәр итте.

"Әгәр игътибар иткән булсагыз, статистика буенча быел хезмәт хакының реаль һәм номиналь күләме моңарчы күрелмәгән темплар белән артып бара. Хезмәт хакы 11 процентка диярлек артты", - диде Топилин Федерация Советында "хөкүмәт сәгате" вакытында.

"Минемчә, моңа хезмәт өчен минималь түләү күләмен яшәү минимумына тигезләү йогынты ясады", - диде ул.

• Президент Карары буенча, 1 майдан Россия минималь хезмәте хакы яшәү минимумына тигезләште. Ул 11 мең 163 сум тәшкил итә.

Фото: https://pixabay.com

 https://tatar-inform.tatar