2026 елда газ һәм чүп чыгару бәяләре ничек үзгәрәчәк?

Түләүләр ике этапта: 1 гыйнвардан һәм 1 октябрьдән артачак.

Газ бәясе

Киләсе елның башыннан табигый газның бер кубометры хәзерге 8,41 сумнан 8,55 сумга кадәр күтәрелә. Октябрь аеннан исә бәя тагын да артып, 9,28 сум тәшкил итәчәк.

Чүп чыгару (Көнчыгыш зона — «Гринта»)

Сарман районы кергән Көнчыгыш зонада каты коммуналь калдыклар белән эш итү буенча тарифлар түбәндәгечә үзгәрәчәк:

 * 1 гыйнвардан: бер кубометр өчен бәя 614,95 сумнан 625,19 сумга кадәр арта.

 * 1 октябрьдән: бәя 687,08 сумга җитәчәк.

Чагыштыру өчен: республиканың көнбатыш зонасында («ПЖКХ» операторы) тарифлар бераз түбәнрәк, әмма анда да охшаш үсеш темплары күзәтелә.

Үсеш сәбәпләре

Гыйнварда тарифларның гомумроссия буенча планлы артуы 1,7% тәшкил итсә, октябрьдә Татарстан өчен бу күрсәткеч 13,4% булачак. Татарстан Республикасы Дәүләт Советы Рәисе Фәрит Мөхәммәтшин билгеләп үткәнчә, халыкка тарифларның ни өчен һәм ничек үзгәрүен җентекләп аңлату мөһим.

Фото: «Татар-информ»