Сарман укучылары паспортлы булдылар

автор, 30 август 2018 - 09:47

1308

Кичә, 29 август көнне, район үзәгендәге Бөек Ватан сугышы һәм туган якны өйрәнү музеенда районның ундүрт яше тулган ун укучысына паспорт тапшыру тантанасы үткәрелде.

Музей директоры Дания Кәшипова укучыларны паспорт тарихы белән таныштырды. Соңыннан тантанада катнашучыларны район башкарма комитеты җитәкчесе Әлфис Мөхәммәтгәрәев, “Бердәм Россия” партиясенең җирле бүлекчәсе башкарма комитеты җитәкчесе Гөлүсә Харисова, партиянең “Яшь гвардия”челәре, ЗАГС бүлеге начальнигы Гөлчәчәк Валишина, якыннары һәм башкалар тәбрикләделәр.
Бу хакта тулырак язманы газетабызның киләсе саннарының берсендә укый аласыз.