Бакчада эшләү – файдалы!
Моны белгечләр исбат иткән. Барселонаның сәламәтлек саклау институты тикшеренүчеләре яшеллек арасында озак булуның яман шеш барлыкка килү хәвефен киметүен ачыклаган.
Белгечләр 3600 хатын-кызның сәламәтлеген һәм тормыш рәвешен тикшергән. Аларның 1700ендә сөт бизе рагы диагнозы булган.
Нәтиҗәләр яшеллекнең, шәһәрдәге агачларның, паркларның, авылда һәм авылга якын яшәүнең кеше сәламәтлеге өчен бик мөһим булуын ачыклаган. Алар һәркемгә бакчаларда һәм паркларда ешрак булырга киңәш иткән.
Ә менә пестицидлар ярдәмендә үстерелгән авыл хуҗалыгы культураларына якын булуның, киресенчә, сәламәтлек өчен хәвефле булуы исбат ителгән.
Материал:http://almet-rt.ru/news/mgyyat/bakchada-eshl-faydaly
Следите за самым важным и интересным в Telegram-каналеТатмедиа
Нет комментариев