Карашай Саклауда бүген көтү чыкты

"Сарман: иң яңа хәбәрләр", 30 апрель 2023 - 09:12

930

Ел саен беренчеләрдән булып көтү Карашай Саклау җирлегендә чыга.

Быел да, җыелып киңәштеләр дә, малларны иркенгә чыгарырга булдылар авыллар халкы.

- Кичә Чурашта чыкты көтү. Бүген, Аллаhка тапшырып, Карашайда малларны кырга чыгардык. Хуҗалыкларда мөгезле эре терлек саны аз түгел. Ике авылга 200дән артып китә. Кәҗә-сарык та җитәрлек. Хәерле сәгатьтә булсын, - диде җирлек башлыгы Вероника Хөсниева.