Хәтирә Шиhабетдиновадан «Борщ та, салат та» рецепты

3 килограмм чөгендер
1 килограмм кишер
1 килограмм алма
1 килограмм помидор
1 килограмм суган
1 килограмм болгар борычы.
Барлык яшелчәләрне дә я кыргыч аша уасы, я турыйсы. Барысын бер савытка саласы һәм 2 стакан сыек май, 10 аш калагы шикәр
комы, 6 аш калагы тоз, 6 кашык аш серкәсе кушып, яхшылап болгатасы. Аннан газ плитәсе өстендә, кайнап чыккач, 15-20 минут пешерәсе.
Стерильләштерелгән банкаларга тутырып, тагын пар мунчасында 20 минут тотасы. Болай эшләгәндә, шулпага салгач, чөгендернең төсе
үзгәрми. Әлеге кайнатманы аш итеп пешерергә дә, салат итеп тә ашарга мөмкин.
Ашларыгыз тәмле булсын!

Фото:https://ru.freepik.com/