Гөлнур белән Таҗетдин Поизовлар бакчасында купшы лилияләр үсә

"Сарман: иң яңа хәбәрләр", 26 июль 2019 - 10:09

986

Алар - күз явын алырлык гаҗәеп матур төсләрдә.

Ишек алларындагы чәчәклеккә аю, куян, жираф “кунакка” килгән.
- Башта ирем белән фигураларның үзләрен ясадык, ә йөзләрен ясарга, буярга мәктәпнең рәссамы Илдус абый булышты. Һәр хатын-кыз кебек, матурлыкка, гүзәллеккә омтылу чәчәкләр үстерүгә этәргеч ясады. Үзем үсентеләрен утыртам да, сатып та алам, - ди хуҗабикә.
Дүсем авылында чәчәкле бакчалар. Матур ихаталар күп. Гүзәллекнең чиге юк, диләр. Бары тик аны күрә белергә, тоярга, шуннан ләззәт алып яши белергә генә кирәк.