Әхнәф абый гомер бәйрәмен билгеләп үтә

Әхнәф абый шушы авылда яши, сугыш чоры авырлыкларын кичерә, 80 яшенә кадәр хезмәттән аерылмый. Тормыш иптәше – районның алдынгы савымчысы Фәния апа белән ике бала үстерә. Бүгенге көндә балаларының игелеген күреп, онык-оныкчыклар куанычы белән яши.
Әхнәф абыйны гомер бәйрәме белән район башлыгы урынбасары Гүзәл Гәрәева тәбрикләде, Россия Федерациясе Президенты Владимир Путинның Котлау хатын тапшырды, район җитәкчелеге исеменнән матур теләкләрен җиткерде. Юбилярны истәлекле бәйрәме белән шулай ук социаль яклау бүлеге начальнигы Лилия Гыйльметдинова, Илексаз авыл җирлеге башлыгы Флер Гыйльфанов котладылар.
Әхнәф абый турындагы тулырак язманы газетабызның киләсе санында укый аласыз.
Зөлфия Шәрипова язмасы һәм фотолары