Игътибар – яңа конкурс: «Маҗаралы Яңа ел»
Бусагада – сихри һәм сер белән тулы Яңа ел. Без бу бәйрәмнән ел саен могҗиза һәм тылсым көтәбез, аңа өмет һәм ышаныч белән карыйбыз, күңелдән генә аның белән бәйле кадерле хатирәләрне барлыйбыз.
Ә алар безнең һәркайсыбызда бар. Шуны күздә тотып, бәйрәм чорына газетабыз сайтында һәм социаль челтәрләрдә «Маҗаралы Яңа ел» дигән өр-яңа бәйге игълан итәргә булдык. Ул һәркем өчен ачык: анда олысы да, кечесе дә катнаша, быелгы бәйрәмнең дә, узган еллар Яңа елларының да матур хатирәләре белән уртаклаша ала. Бәйгегә кызыклы фотолар кабул ителә, аның янында аңлатма язуы булу да шарт. Үзегез турындагы мәгълүматларны да онытмагыз. Җиңүче очраклы саннар генераторы ярдәмендә билгеләнәчәк. Сездән фоторәсемнәр көтәбез, хөрмәтле райондашлар! Аларны редакция почтасына юлларга мөмкин.
Следите за самым важным и интересным в Telegram-каналеТатмедиа
Нет комментариев