8 сентябрьдә Халыкара журналистлар бердәмлеге көне билгеләп үтелә

Әлеге дата 1958 елда Бухарест шәһәрендә халыкара журналистлар оешмасының дүртенче конгрессында кертелә. Бу көнне бөтен илләрнең һәм матбугатларның журналистлары үзләренең бердәмлеген күрсәтергә тиешләр, бигрәк тә үзләренең хокукларын яклау мәсьәләсе буенча.

Шуны да әйтеп үтәргә кирәк, 1943 елның 8 сентябрендә Германиядә Чехословакия журналисты, язучы-антифашист Юлиус Фучик җәзалап үтерелә.

Бу көнне төрле конференцияләр, съездлар үткәрелә. Аларда журналистлар тәҗрибә белән бүлешәләр, аларга бүләкләр тапшырыла.