САРМАН
  • Рус Тат
  • Дуслар, ә сез кибетләрдә косметика сөртеп карыйсызмы? Бу бик куркыныч икән бит

    Кибеттә косметика сөртеп карап куркыныч авыру ияртергә мөмкин

    Ачык косметиканың 90 процентында зарарлы микроблар, бактерияләр, гөмбәчекләр була.

    Кичә
    https://pixabay.com/
     

    Косметика сата торган кибеттә кремнарны, помадаларны сөртеп карау куркыныч. Ачылган үрнәкләрдә бактерияләр үрчеп ята. Бу турыда «Бишенче канал»га белгечләр һәм табиблар сөйләгән.

    «Микробиологик тикшерүләр ясаганда ачыкланганча, бу әйберләрдә стафилококклар, күгәрек гөмбәләре, чүпрә, үлек китереп чыгара торган таякчылар булу билгеле», — дип сөйли табиб-дерматолог Наталья Васильева.

    Косметик продукциядә герпес һәм гепатит та табылган. Вируслар карандашларда, помадаларда, пумалаларда үрчеп ята. Сатып алучылар аларны шакшы куллары белән тота, идәнгә төшереп җибәрә. Ачык үрнәкләргә утырган тузанда да бактерияләр була.

    Тикшерүләр күрсәткәнчә, ачык косметиканың 90 процентында зарарлы микроблар була. Мондый әйберләрне кулга сөртеп карау да куркыныч. Әгәр тиредә микрояралар булса, зарарлы вируслар да шуннан гына организмга үтеп керә.

    Табиб-косметолог Татьяна Баллиран сүзләренчә, авыру кешеләрнең күбесе косметика аша авыру йоктырганын аңламый да, табибларга да мөрәҗәгать итми йөри.

    «Вак бетчәләр, кара нокталар авыру турында кисәтергә мөмкин. Әлбәттә, беркем дә кибеттә кулланып караган пумала, спонжик турында искә дә төшерми. Бу исә дәвалауны озакка суза», — дип аңлата ул.

    Нравится
    Поделиться:
    Реклама
    Комментарии (0)
    Осталось символов: