Салым әҗәтләрен түләмәгән өчен җаваплылык каралган

Район прокуратурасы агымдагы елның 7 ае нәтиҗәләре буенча салымнар һәм җыемнар турындагы законнарның үтәлешен тикшерде.

Салым органнары мәгълүматлары буенча, районда НДФЛ буенча әҗәтләре булган 7 предприятие булган. Прокурор тикшерүе вакытында аларның 5 се җитешсезлекләрен бетерделәр – әҗәтләрен түләделәр. Эре әҗәтле ике предприятиегә прокуратура салым әҗәтләрен бетерү буенча ике күрсәтмә бирде. Алар, прокурор актларын карап, прокурор таләпләрен үтәделәр, ике җаваплы хезмәткәр дисциплинар җаваплылыкка тартылды.

Ленар Рәхмәтуллин, район прокуроры ярдәмчесе