Саксызлыкның бәясе кыйммәт, яки эчсәң дә, баш тартсаң да – 30 мең

Җәмәгать судьяларының суд участокларыннан алынган мәгълүматларга караганда, агымдагы елның беренче алты аенда 1 нче һәм 2 нче суд участокларында исерек машина йөртүчеләр белән бәйле 30 эш, медицина тикшерүеннән баш тарту белән бәйле 10 эш каралган. Шушы уңайдан җәмәгать судьясы Айнур Хаҗиевка берничә сорау белән мөрәҗәгать иттек. 
– Машина йөртүчеләр алкогольле эчемлекләр эчәләр, руль артына утыралар, ЮХИДИ хезмәткәрләре кулына эләгәләр, суд каршына басалар һәм җаваплылыкка тартылалар. Бер эшкә генә аерым тукталасым килә. Рульгә алкогольле эчемлекләр кулланып утырган бер ир-атның исереклеге авария ясагач кына беленә. Машина белән исерек хәлдә идарә иткәндә, ул, каршылыкка бәрелеп, туктый. Шул тирәдә булган кешеләр полиция хезмәткәрләрен һәм ашыгыч ярдәм чакыралар. Авария нәтиҗәсендә әлеге ир-ат тән җәрәхәтләре алган була, шулай ук машинасы да шактый җимерелә. Күргәнегезчә, исерек хәлдә руль артына утыру нәтиҗәсендә әлеге кешегә күпме зыян килә. Моңа транспорт йөртү таныклыгыннан мәхрүм ителүне һәм 30 мең сум күләмендәге штраф салынуны да өстәргә кирәк... 
Язманы тулысынча газетабызның 19 июль санында укый аласыз.