Район халкы “Халык контроле”нә ниләр яза?

Район Башкарма комитетының гомуми бүлегеннән алынган мәгълүматларга караганда, эшли башлаганнан, ягъни 2012 елдан бирле районнан аңа 759 мөрәҗәгать кергән, аларның 660 тирәсе уңай хәл ителгән. Ә узган ел аңа 140 мөрәҗәгать кереп, аларның 107 се уңай чишелеш тапкан.
Мөрәҗәгатьләрнең күпчелеге – тирә-якны, муниципаль юлларны төзекләндерү һәм карап тору, юл хәрәкәтен оештыру, чокырларны рәтләү, машина кую урыннары булдыру һәм башкалар турында. 2021 елда исә 107 мөрәҗәгать керсә, 2020 елда бу күрсәткеч – 106, 2019 елда 117 булган. Ә быелның өч аенда 48 мөрәҗәгать кереп, аларның 30 ы уңай хәл ителгән, 6 мөрәҗәгать – каралу стадиясендә, 11 е буенча эш башкару планлаштырылган, 2 се җитди сәбәпләр нигезендә кире кагылган.
Бу хакта тулырак язманы газетабызның 7 апрель саныннан укый аласыз.