Тегүче Җиһания апа 90 яшен бәйрәм итә

"Сарман: иң яңа хәбәрләр", 25 июль 2024 - 16:02

435

Сарман авылында яшәүче гомерен халыкка көнкүреш хезмәте күрсәтүгә багышлаган Сафина Җиһания Минһаҗ кызына бүген 90 яшь тулды. Олуг юбилее белән ветеранны район башлыгы урынбасары Гүзәл Гәрәева тәбрикләде, изге теләкләрен җиткереп, район башлыгы Фәрит Хөснуллинның Рәхмәт хатын, истәлек бүләге һәм чәчәк бәйләме тапшырды. Сарман авыл җирлеге башкарма комитеты җитәкчесе Лилия Шәрипова, “Шәфкать” үзәге директоры Ландыш Мөхлисуллина, балалары, онык-оныкчыклары да сихәтлек, күңел тынычлыгы, кадер-хөрмәт теләделәр.