Рөстәм Нәбиев рекорд куйган

Блогер Рөстәм Нәбиев рәсми рәвештә рекордчы буларак танылды. 13 июньдә аңа Русия Рекордлар китабы дөнья рекордын кую турында сертификат тапшырылды. Әлеге истәлекле вакыйгадан соң паралимпияче инстаграм сәхифәсендә фото урнаштырган.

– 2020 елның 12 сентябрендә Эльбруска кулларымда гына менгәндә дөнья рекордын куйдым, анда бозваткыч белән 30 меңнән артык сугу ясаганмын һәм бүген миңа сертификат тапшырдылар. Эльбрус турында бүтән язмыйм, бу – ахыргы нокта. Киләсе фотосурәт Һималай таулары биеклегеннән булыр дип өметләнәм, – дип язган Рөстәм Нәбиев.

Чыганак: http://sahne.ru/news/xeberler/rstm-nbiev-rekord-kuygan