Зур Нөркәй мәктәбенә шагыйрә килде

РСФСРның атказанган укытучысы, Татарстан Язучылар берлеге әгъзасы, танылган балалар шагыйрәсе Вәсимә Лотфулла кызы Хәйруллина үзенең яңа гына кайнар табадан төшкән “Шәп бабай, тәти әби” диеп аталган китабын беренче яртыеллыкны "бишле" һәм "дүртле" билгеләренә тәмамлаган Зур Нөркәй урта гомуми белем бирү мәктәбе укучыларына бүләк итте. Укучылар шагыйрә апаларына рәхмәт әйтеп, киләчәктә дә тырышып укырга сүз бирделәр.