Яраткан артисткабыз Фәридә Сафина бүген юбилеен бәйрәм итә

Бүген хөрмәтле райондашыбыз - Татарстанның халык артисты Фәридә Мирхафизан кызы Сафина үзенең олуг юбилеен билгеләп үтә. "Зәңгәр шәл"дәге Мәйсәрәне, "Беренче театр"дагы Гафифәне, "Гөргери кияүләре "ндәге Анукны, "Казан егетләре"ндәге Фәүзияне һәм башка бик күп рольләрне башкарган Г.Камал исемендәге Татар дәүләт академия театры артисткасы - райондашларыбыз горурлыгы. Без аны гомер бәйрәме белән чын күңелдән  тәбрикләп, сихәт гомер, бәхетле тормыш, бүгенгедәй чибәр, мөлаем, тормышны сөючән булып калуын телибез.