Хөрмәтле абунәчеләр, кадерле газета укучылар!

 Сезнең кулларда – “Сарман” газетасының икенче саны. Беренче саны да килеп җиткәндер, дип уйлыйбыз. Газетабыз битләрендә район сулышын, халкы тормышын, яшәешен, матур гореф-гадәтләрне, үрнәк гаиләләрне, үзенчәлекле шөгыльләрне яктырту белән беррәттән, әледән-әле төрле бәйгеләр, акцияләр үткәрәбез, җиңүчеләрне бүләклибез. Бу юлы да тугры абунәчеләребез арасында сезонның иң кирәкле ризыгы – шикәр комы уйнаттык. Аның ярдәме белән әзерләнгән кайнатмаларыгыз, ризыкларыгыз җәйге эсседә дә, кышкы суыкта да безне тагын бер кат искә төшерергә ярдәм итсен. Безнең белән бергә булуыгыз өчен, ихластан рәхмәтлебез. Киләчәктә дә адреслар югалмасын, сукмаклар чуалмасын, аралар өзелмәсен, хөрмәтле дуслар!

Ихтирам белән, баш мөхәррир Альбина Сабирова.