Узган ел «Спорт — тормыш нормасы» проекты буенча 18 ГТО мәйданчыгы сафка бастырылган

Узган ел «Спорт — тормыш нормасы» федераль проекты буенча Чаллы шәһәрендә һәм Апас районында 2 футбол һәм ГТО нормаларын тапшыру өчен 18 спорт мәйданчыгы файдалануга тапшырылган. Болар барысы да «Демография» илкүләм проекты кысаларында тормышка ашырылган.
Шушы ук программа нигезендә Лаеш һәм Минзәлә районнарында 2 баскетбол-волейбол мәйданчыгы да хз ияләрен тапкан. Сарман районында тренажерлар куелган мәйданчык барлыкка килгән. Буа һәм Лениногорск шәһәрләренә ике боз катыру машинасы, Чаллы, Биектау һәм Казандагы спорт мәктәпләренә хоккей өчен җиһазлар комплекты һәм тренажерлар бирелгән.