«Урман агачы сыман нык мин!», - ди Иске Минзәләбаштан Тәзкирә апа

Аны олуг юбилее белән район Советы аппараты җитәкчесе Юлия Исмәгыйлева, Иске Минзәләбаш авыл җирлеге башлыгы Айдар Габдрахманов, «Шәфкать» халыкка социаль хезмәт күрсәтү үзәге Гөлнара Хуҗина, авыл җирлеге ветераннар советы рәисе Ленар Мөхәммәтҗанов, авыл имам-хатыйбы Илдар Әшрафуллин котладылар, бүләкләр, Россия Президенты Владимир Путинның котлау хатын тапшырдылар. Котлауларга юбилярның туганнары, якыннары да кушылдылар.
Тәзкирә апа тормыш иптәше – гармунчы Наил абый белән (кызганычка каршы, вафат) дүрт кыз һәм бер малай үстергәннәр. Ул үзе дә биш балалы гаиләдә дүртенчесе булып дөньяга аваз салган. Ун яшеннән күмәк хуҗалыкта төрле эшләрдә йөргән, урман кисү буенча хезмәт куйган. «Тыл ветераны», «Хезмәт ветераны» дигән мактаулы исемнәр йөртә, күпсанлы медальләргә ия. Бүгенге көндә балаларының, оныкларының кадер-хөрмәтендә яши.
Тулырак язманы район газетасының алдагы саннарыннан укый аласыз.