Тукай премиясе халыкара статус алырга мөмкин
Татарстанда мәдәният, сәнгать һәм әдәбият өлкәсендә тапшырыла торган Габдулла Тукай исемендәге дәүләт премиясе халыкара дәрәҗәгә чыгарга мөмкин.
Бу хакта «Татмедиа» матбугат һәм массакүләм коммуникацияләр агентлыгының киңәйтелгән коллегия утырышында Татарстан Рәисе Администрациясе җитәкчесе Әсгать Сәфәров хәбәр итте, дип яза «Татар-информ» МА.
Быел Казан ислам дөньясының мәдәни башкаласы статусын алды. Шунлыктан Тукай премиясенең абруен чит илләрдә дә таныту юнәлешендә эш башланган.
Төп яңалыклар:
* Премияне халыкара дәрәҗәгә күтәрү тәкъдиме белән Татарстан Рәисенә мөрәҗәгать иткәннәр.
* Татарстан Рәисе Рөстәм Миңнеханов хәзерге вакытта Ислам хезмәттәшлеге оешмасына кергән илләрдәге партнерлар белән бу мәсьәлә буенча сөйләшүләр алып бара.
>«Без Габдулла Тукай исемендәге премия халыкара статус алсын иде дигән тәкъдим белән Татарстан Рәисенә мөрәҗәгать иттек», — дип белдерде Әсгать Сәфәров.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев