ТРда Урман хуҗалыгы министрлыгы эшчеләре яңа кагыйдәләр буенча декларация биргән
Татарстанның Урман хуҗалыгы министрлыгында 2026 елгы декларация кампаниясе тәмамланды. Ведомствоның дәүләт хезмәте һәм кадрлар секторы мөдире Эльвира Зиятдинова белдерүенчә, быелгы чорда ике дәүләт хезмәткәре һәм биш подведомство оешмасы җитәкчесенең керем, чыгым, милек турындагы мәгълүматлары тикшерелгән, дип яза «Татар-информ» МА.
Ул сөйләгәнчә, быелдан башлап законнарга яңа үзгәрешләр кертелгән. Хәзер керем турындагы белешмәләрне дәүләт хезмәтенә кергәндә яки гаиләнең өч еллык кеременнән арткан бәядәге милек сатып алганда гына тапшыру таләп ителә.
Шулай ук министрлыкта коррупциягә каршы комиссиянең бер утырышы уздырылган. Бәйсез антикоррупция экспертизасы өчен ун норматив-хокукый акт проекты интернет-киңлеккә урнаштырылган. Дәүләт хезмәтендә булган бер әлеге оешмадан хезмәт килешүе төзү турында белдерү килеп ирешкән. Зиятдинова сүзләренчә, бу хәбәр өйрәнелгән, мәнфәгатьләр бәрелеше ачыкланмаган.
Республикада эшләп килүче «ышаныч телефоны» халыктан коррупция фактлары буенча аноним мөрәҗәгатьләр кабул итүен дәвам итә. Әмма ел башыннан бирле мондый зарлар теркәлмәгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев