Татарстанда светофорның кызыл утына үтүчеләр саны 3,5 меңнән арткан
Ел башыннан бирле Татарстанда юл камералары светофорның тыю сигналына үтеп китүнең һәм регулировщик ишарәләренә буйсынмауның 3,5 мең очрагын теркәгән.
Бу хакта ТР Дәүләт автоинспекциясенә сылтама белән «Татар-информ» МА хәбәр итә.
Ведомство юл кагыйдәләрен бозучыларга каралган җәзаларны искә төшерә:
* Светофорның кызыл утына беренче тапкыр үткән өчен — 1 500 сум штраф.
* Ел дәвамында бу хәл кабатланса — штраф 7 500 сумга кадәр арта яки йөртүче 6 айга кадәр таныклыгыннан колак кагырга мөмкин.
Юлларда игътибарлы булыгыз, үз тормышыгызны һәм башкаларны куркыныч астына куймагыз!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев