Татарстанда «Ел укучысы-2026» исемен игълан иттеләр
Казанның 9нчы мәктәбе укучысы Азамат Шәрәфиев республиканың иң яхшы укучысы исеменә лаек булды. Бу хакта Татарстан мәгариф һәм фән министры Илсур Һадиуллин олимпиадалар җиңүчеләрен бүләкләү тантанасында белдерде, дип яза «Татар-информ» МА.
11 сыйныф укучысы Азамат химия фәненнән югары казанышлары белән аерылып тора. Быел ул халыкара Менделеев олимпиадасында көмеш медаль яулаган.
«Мине лаеклы дип тапканнары өчен рәхмәт. Барлык олимпиадачыларга да уңышлар телим», — диде Азамат. Ул аерым алганда, мәктәп директоры, укытучылары, әти-әнисе һәм түгәрәк җитәкчеләренә рәхмәтен белдерде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев