Татарстанда бер миллиард сумлык диярлек ике чистарту объекты төзеләчәк
«ТР Башинвестстрой» компаниясе Татарстанда чистарту инфраструктурасының ике объектын төзү өчен дәүләт контракты төзеде. Контракт суммасы — бер миллиард сумга якын, дип хәбәр итә «Татар-информ» МА.
Биектау районының Чыпчык һәм Коркачык авылларында чистарту корылмалары челтәрләр белән төзеләчәк. Шулай ук Ютазы районының Урыссу шәһәр тибындагы бистәсендә биологик чистарту корылмалары салыначак.
Документация буенча, эшләр Татарстан бюджеты исәбенә финансланачак. Ике объектны да төзү алты ай эчендә — 2026 елның 1 декабренә кадәр тәмамлау планлаштырыла.
Биектау районының ике авылындагы чистарту объектлары 448 миллион сумга бәяләнә. Тагын 434 миллион сум Урыссудагы биологик чистарту корылмаларын төзүгә юнәлтеләчәк. Бу объект составына административ-көнкүреш корпусы, модуль канализация насос станциясе, тышкы челтәрләр һәм ярдәмче корылмалар керәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев