Татарстан Республикасы буенча  монополиягә каршы Федераль хезмәт идарәсе вәкилләре  - Сарманда

 Алар иң элек  Сарман урта мәктәбендә булдылар, 9а классы укучылары белән  ачык дәрес үткәрделәр. Идарә  җитәкчесе урынбасары Гүзәл Шәүкәт кызы Шәфигуллина укучыларга монополиягә каршы хезмәтнең үзенчәлекләре, әһәмияте, ул алып бара торган эшчәнлекнең төп юнәлешләре турында сөйләде, кызыклы мисаллар китерде. Әңгәмә барышында идарә эшчәнлеге белән бәйле  видеороликлар да күрсәтелде. Ахырда ул укучыларны кызыксындырган күпсанлы сорауларга җаваплар бирде.

Бу көнне  Гүзәл Шәүкәтовна район хакимиятендә шәхси сораулары булган сарманлыларны   да кабул итте. Аннан Сарман шифалы  су җитештерү заводында  булып, андагы эшнең торышы белән танышты. Болар хакында тулырак – “Сарман” газетасының алдагы саннарында.