Татарстан медикларының униформасына 134 миллион сумга якын акча тотылачак
2026 елда Татарстанның медицина учреждениеләре хезмәткәрләрен форма белән тәэмин итүгә бюджеттан 133,9 миллион сум юнәлтеләчәк.
Бу хакта республика Финанс министрлыгы матбугат хезмәтенә сылтама белән «Татар-информ» МА хәбәр итә.
Министрлык аңлатуынча, чыгымнарның артуы ике төп фактор белән бәйле:
* Яңа дизайн: униформа линиясен яңарту һәм заманча стандартларга яраклаштыру.
* Штат арту: махсус кием белән тәэмин ителә торган хезмәткәрләр санының күбәюе.
Башта бу максатларга 55 миллион сум каралган иде, әмма соңрак өстәмә рәвештә тагын 78,9 миллион сум бүлеп бирергә карар кылынды.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев