Полиция хезмәткәрләре Казанда пляжларда рейд уздырган. Тикшерү вакытында ата-аналарга иң мөһим кагыйдәне искә төшергәннәр: балаларны су янында бер секундка да ялгыз калдырырга ярамый, дип яза «Татар-информ» МА.
Әгәр бала караучысыз рәвештә су буенда булса, әти-әнигә административ хокук бозу турында беркетмә төзеләчәк. Шуңа күрә хокук саклаучылар барлык өлкәннәрне саклыкка чакыра.
Россия Эчке эшләр министрлыгының Казан идарәсе түбәндәге киңәшләрне бирә:
- рәсми рәвештә теркәлгән, коткару хезмәте эшләгән пляжларны гына сайларга;
- балалар өчен саклагыч жилетлар әзерләргә;
- су коену өлкәннәр күзәтүе астында гына башкарылырга тиешлеген җентекләп аңлатырга.
Полиция вәкилләре бу чараларны үтәмәү фаҗигале хәлләргә китерергә мөмкин, дип кисәтә.
Нет комментариев