Сөлектә "Әниләр көне" бик күңелле үткән

Мәдәният йортында әниләр көненә "Җырым булсын бүләгем"- исемле музыкаль кичә үтте.Әниләр рәхәтләнеп ял иттеләр.Сценария әниләргә карата җылы сүзләр,аларга багышлап җырлар,кызыклы этюдлар белән төзелгән иде.Авыл җирлеге башлыгы Найлә Наиловна әниләрне котлады, балаларга әниләр турында шигырьләр сөйләтте, җырлар җырлатты.Этюдларны карап халык рәхәтләнеп көлде.Җырчыларыбыз Илнар Нурмехамитов, Мирзахад Зарипов, Айгөл Салахова, Илгиз Сәетов, Алсу Адиеваларны тамашачылар бик охшатты. Ә инде Шәрләрәмә мәдәният йорты директоры Илгиз Вәлиев үзенең язган җырын башкарганда зал сихри моңга күмелде, тамашачылының күңелләре йомшарды. Бәйрәм һәркемнең күңеленә хуш килде.