Сәламәт яшәү өчен, сарманлыларга 1 адым да ярдәм итә

Бүген, Бөтендөнья сәламәтлек көне уңаеннан, район үзәгенең “Дулкын” спорт-сәламәтләндерү үзәге артындагы Ял паркында “Тормышка 10 000 адым” сәламәтләндерү акциясе узды. Ул “Бердәм Россия” сәяси партиясенең җирле бүлекчәсе теләктәшлегендә үтте. Аңа сәламәт яшәү рәвеше яклы булган сарманлылар кушылдылар. Яшьләргә үрнәк булган ветераннарыбызның алгы сафта торулары сокландырды. Спортта да, сәнгатьтә дә сынатмаган өлкәннәребез актив тормыш рәвеше яклы. “Сәламәт тәндә – сәламәт рух”, - диләр алар.

Альбина Сабирова