"Шигъри терапия": сезнең игътибарга Саклаубаш авылыннан Гөлгенә Талипова шигырьләрен тәкъдим итәбез

Әллә миндә булмаганмы,
Башкаларда булганда.
Балачагым үтте минем
Компьютерсыз елларда.

Уйнадык без саф һавада
Хоккейны, футболын да.
Безнең тавыш шаулап торды
Кичкә кадәр урамда.

Кыз мин, диеп тормадым,
Булды агач мылтыгым.
Абыйлар белән уйнагач,
Ясадым мин окобын.

“Өйле”сен дә уйный идек,
Курчаклар сөйрәп чыгып.
Унике тәпәчне җыйдык,
Кызырып пешеп чыгып.

Болыннарга төшә идек,
Кузгалаклар җыярга.
Басуларга, узыша-узыша,
Бардык борчак урларга.

Үкенмим шулай узганга
Минем бәләкәй чагым.
Булса мөмкинлек, шул чакка
Кайтыр идем мин тагын.

Фото:https://pixabay.com