Сайлаучылар тәмле конфетлар белән сыйландылар

 Аларны  коймак һәм чәй белән дә сыйладылар. Район үзешчәннәре берсеннән берсе матур җыр-биюләре белән күңелгә күтәренкелек өстәделәр. Бу сәгатьләргә 1138 сайлаучының 94 проценты инде электрон тавышларын бирде. Участок буенча 32 яшь сайлаучы беренче тапкыр  сайлады. Аларга истәлек бүләкләре тапшырылды.  Сайлау участогына килә алмаган 5 кешенең өйләренә барып сайлату мөмкинлеге бирелде. Участокның иң өлкән сайлаучысы – Бөек Ватан сугышы ветераны 97 яшьлек Хан ага Вәгыйзов. Ул өендә сайлады. Сайлау участогында 5 волонтер, 4 җәмәгать күзәтүчесе эшли. Күзәтчелек эшендә Татарстан җәмәгать палатасы вәкиле дә бар.