Сарысаз Тәкермәндә Хәтер көне үтте

15 октябрь - халкыбызның катлаулы тарихында коточкыч көннәрнең берсе. Бу көнне Казан ханлыгы үзенең бәйсезлеген югалткан, колония сыйфатында яшәргә мәҗбүр булган. 1552 елгы дәһшәтле вакыйганы халык бик авыр кичергән. Ул гасырлар буе сыкранган, әрнегән, нәфрәтләнгән. Ләкин күп газаплар кичерүенә карамастан, киләчәгенә өметен өзмәгән, телен, динен, гореф- гадәтләрен һәм, ниһаять, үзенең милли үзаңын саклап калган. Шуңа 15 октябрьне Хәтер көне диләр. Шул уңайдан Сарысаз Тәкермән мәдәният йорты хезмәткәрләре башлангыч сыйныф укучылары һәм балалар бакчасы балалары белән һәйкәлгә тәкыялар куйдылар, шигырьләр сөйләделәр.