Сарманлылар “Тормыш тамчысы” акциясенә кушылдылар +ВИДЕО

Быел ул “Тормыш тамчысы” дигән Бөтенроссия акциясе рәвешендә билгеләп үтелде һәм 2004 елда Беслан шәһәрендә булган фаҗигале вакыйгаларга багышланды.
“Тормыш тамчысы” Бөтенроссия акциясенә райондашларыбыз да бердәм кушылды. Район үзәгендә үткәрелгән митинг илебез гимны белән башланып китте. Район башлыгы урынбасары Гүзәл Гәрәева, район Советы аппараты җитәкчесе Фәндәс Вәлиев чарада катнашучыларны бердәм һәм уяу булырга, террорчылыкны булдырмау өчен, кулларыннан килгән өлешне кертергә чакырдылар.
Митингта катнашучылар бер минутлык тынлык белән террорчылык актлары корбаннарын искә алдылар, чәчәкләр, үсемлекләргә террор корбаннары өчен учлары белән су сиптеләр.
Зөлфия Шәрипова язмасы, фотолары һәм видеолары