Сарманлылар татар телен онлайн режимда өйрәнә алалар

Татар теле Россиядә кулланышы буенча икенче урында тора. Аның халкының 5,4 миллионнан артыгы шушы телдә сөйләшә. Моннан тыш, 200 мең башкорт һәм меңләгән марилар татар телен ана телләре дип исәплиләр. Дөньяда татар телен өйрәнергә теләүчеләр дә бик күп. Аларга уңайлы мөмкинлек тә бар - телне онлайн режимда өйрәнү өчен "Ана теле" проекты тормышка ашырыла. Онлайн-мәктәп тәүлек әйләнәсе эшли, аңа дөньяның бар почмагыннан да кереп була. Моның өчен anatele.ef.com сайтына кереп теркәлергә һәм тугыз баскычтан торган дәресләрнең үзегез үтәргә теләгәнен сайларга гына кирәк.